Published: 06 பிப் 2018
மின்னணு பொருட்களில் தங்கம் ஏன் பயன்படுத்தப்படுகிறது?
![Is Gold Used In Electronics Is Gold Used In Electronics](/sites/default/files/styles/single_image_story_header_image/public/Why-is-gold-used-in-electronics_17.jpg?itok=v8xz7AuN)
தங்கத்தின் இயற்பியல் பண்புகளானது, அதைப் பரவலான மின்னணு பயன்பாடுகளில் பயன்படுத்த சிறந்த பொருளாக உருவாக்குகிறது:
- இது உயர் மின் கடத்துத்திறன் கொண்டுள்ளது
- இது தாமிரம் மற்றும் வெள்ளி போன்ற மற்ற உயர் மின் கடத்துத்திறன் கொண்ட உலோகங்கள் போல் துருப்பிடித்து, சேதமடைவதில்லை
- இது ஒரு மென்மையான, எளிதில் வளைந்து கொடுக்கும் பொருள் ஆகும், இது மெல்லிய கம்பிகளாக எளிதாக இழுக்கப்படலாம் அல்லது மெல்லிய பூச்சுகளாக பூசப்படலாம்.
மின்னணு துறைக்குள்ளேயே தங்கத்தின் கணிசமான எண்ணிக்கையிலான பயன்பாடுகள் உள்ளன, இணைப்பிகள் மற்றும் தொடர்புகள் மீது ஒரு மின்னாற்பூச்சாக பூசுவது என்பது மிகவும் குறிப்பிடத்தக்க பயன்பாடாகும். அடுத்து, குறைகடத்தி பேக்கேஜ்களில் தங்கமானது பிணைப்பு கம்பிகளாக உள்ளது. இந்த இரண்டு பயன்பாடுகளும் மின்னணுக்கான தங்கத்தின் தேவைகளில் ஆதிக்கம் செலுத்துகின்றன.
மின் தொடர்புகள் மற்றும் இணைப்பிகள் மீதான பூச்சு என்பது பெரும்பாலும் மின்னணுச் சாதனத்தில் தங்கம் இருப்பதற்கான ஒரே காட்சிரீதியான குறிப்பு ஆகும். மெல்லிய பூச்சுகளைப் பயன்படுத்திய இரண்டு தங்க மேற்பரப்புகளை அருகருகில் தொடர்புக்கு கொண்டு வரும்போது, இதன் விளைவாக ஏற்படும் மின் இணைப்பானது அசாதாரண உறுதிப்பாட்டை வழங்குகிறது. அரிக்கும் தன்மை கொண்ட பொருட்களானது, அதன் மேற்பரப்புகளில் ஆக்ஸிஜனேற்றம் ஆகிறது, அதனால் இன்சுலேட்டர்களாக செயல்படுகிறது, மின் இணைப்புகளில் குறுக்கீடு செய்கிறது, மற்றும் சில நேரங்களில் அழிக்கிறது - மற்றும் சாதனத்தை செயலிழக்க செய்யும் சாத்தியத்தைக் கொண்டுள்ளது.
தொடர்புகள் மற்றும் இணைப்பிகள் போலல்லாமல், மின்னணு உபகரணங்களின் ஒரு பகுதியிலுள்ள தங்கப் பிணைப்பு கம்பியானது கண்ணுக்குத் தெரிவதில்லை, ஆனால் அது நிச்சயமாக ஓரளவுக்கு இருக்கும். பிணைப்புக் கம்பி என்பது குறைக்கடத்தி டெர்மினல்கள் மற்றும் சாதனத்தில் உள்ள உலோகத்தின் மெல்லிய அடுக்கு ஆகியவற்றுக்கு இடையே மின் இணைப்புகளை உருவாக்கப் பயன்படுகிறது. சில்லுகள் என்பது சிலநேரங்களில் நூற்றுக்கணக்கான கம்பி இணைப்பு இணைப்புகளைக் கொண்டிருக்கலாம், ஒவ்வொன்றும் சிறிய அளவிலான தங்கத்தைப் பயன்படுத்துகின்றன.
சிறிய அளவிலான தேவை உள்ள இந்த இரண்டு பயன்பாடுகளினால், கடந்த நான்கு ஆண்டுகளில் மட்டும் மின்னணுத் துறையில் சுமார் ஆயிரம் டன் தங்கம் பயன்படுத்தப்பட்டிருக்கிறது.