தங்கத்தின் கேரட்டேஜை நீங்கள் வீட்டில் பரிசோதிக்கலாம்

ஜனவரி 1, 2017 என்று பீரோ ஆஃப் இந்தியன் ஸ்டாண்டர்ட்ஸ் (BIS) அமைப்பால் ஒரு வரவேற்கத்தக்க மாற்றம் கொண்டுவரப்பட்டது. பிஐஎஸ் என்பது தங்கம் ஹால்மார்க் செய்வதற்கான இந்தியத் தரத்தை மாற்றியமைத்தது; BIS உரிமம் பெற்ற நகைக்கடைகளுக்கு மூன்று பிரிவுகளில் ஆபரணங்களை ஹால்மார்க் செய்வது கட்டாயமாக்கப்பட்டது. இவ்வாறு, தங்கம் மற்றும் தங்க நகைகள், அதன்/அவற்றின் தூய்மைக்கேற்ப 22, 18 மற்றும் 14 காரட் என மூன்று தரங்களாக பிரிக்கப்பட்டுள்ளன. தங்களுடைய நிதி நிலைமையைப் பொறுத்து, பல்வேறு காரட்டுகளில் தங்க நகைகளைத் தேடும் நுகர்வோரின் நலனைப் பாதுகாக்க வழிகாட்டுதல்கள் ஏற்படுத்தப்பட்டன.

தங்கம் மென்மையான உலோகமாக இருப்பதால், வெள்ளி, தாமிரம், பிளாட்டினம் அல்லது நிக்கல் போன்ற பிற உலோகங்களுடன் பொதுவாக கலக்கப்படுகிறது. தங்கத்தின் தூய்மை மற்றும் கலவையின் விகிதம் ஆகியவை காரட்டில் அளவிடப்படுகிறது; 24 காரட் என்பது தூய தங்கமாகும். ஒரு காரட் என்றால் ஒரு பகுதி தூய தங்கம் மற்றும் 23 பகுதி கலவை ஆகும், மேலும் மற்ற உலோகங்களின் ஆறு பாகங்களுடன் கலக்கப்பட்ட 18 காரட் தூய தங்கம் என்பது 18 காரட் என்று அர்த்தமாகும். எனவே, 24 காரட் என்பது தூய்மையான தங்கம் ஆகும், அதேபோல், மற்ற உலோகங்களின் ஆறு பாகங்களுடன் கலக்கப்பட்ட 18 காரட் தூய தங்கம் என்பது 18 காரட் என்று அர்த்தமாகும்.

தங்கத்தின் மதிப்பை உறுதிப்படுத்த தங்கத்தின் தூய்மையை சரிபார்க்க வேண்டியது அவசியமாகும். ஒரு பரிசோதனைப் பெட்டகம் மூலம் வீட்டிலேயே தங்கத்தின் காரட்-ஐ நீங்கள் பரிசோதிக்க முடியும் என்று நம்பப்படுகிறது. இந்தப் பெட்டகமானது தங்கத்தின் தூய்மையை அடையாளம் காண உதவுகிறது, மேலும் இதைப் பல்வேறு ஆன்லைன் தளங்களிலும் காண முடியும். இதில் ஒரு தொடுகல் மற்றும் தனித்தனியான பாட்டில்களில் 14K, 18K, 22K என பெயரிடப்பட்ட நீர்த்த நைட்ரிக் அமிலத்தின் பல்வேறு கரைசல்கள் ஆகியவை உள்ளன. அந்தக் கல்லானது ஸ்லேட் போன்ற ஒரு இருண்ட அமில எதிர்ப்பு திறன் கொண்ட பாறை ஆகும்.

பயனர் இந்தப் படிநிலைகளைப் பின்பற்ற வேண்டும்:

1. கல் மீது தங்க ஆபரணத்தைத் தேய்த்து ஒரு கீறல் குறியை உருவாக்கவும்.
2. "14K அமிலம்" என்று குறிக்கப்பட்டுள்ள பாட்டிலில் இருந்து 2-3 சொட்டுகள் அமிலத்தை கீறல் மீது விடவும்.
3. தங்கம் நிறம் மாறினால், நகைகளானது 14 காரட்கள் அல்லது அதற்கு சிறிது குறைவானதாக இருக்கும்.

இருப்பினும், நிறம் மாறாமல் இருந்தால், ஆபரணத்தின் நிறம் மாறும் வரை அதிக-காரட் அமில பாட்டில்களான 18K, 22K மூலம் பரிசோதனை செய்யவும். ஆபரணத்தின் காரட் என்பது கடைசியாகப் பயன்படுத்தப்பட்ட காரட்-அமிலத்தை விட குறைவாகவோ அல்லது சமமாகவோ இருப்பதை இது குறிக்கும்.

இது ஒரு ஆய்வு பரிசோதனை என்பதை கவனத்தில் கொள்ளவும். இந்தப் பரிசோதனையின் முடிவுகளானது உங்கள் எதிர்பார்ப்புகளை பூர்த்தி செய்யாமல் இருந்தால், உங்கள் நகையின் சரியான மதிப்பை மதிப்பிடுவதற்கு அரசாங்கத்தால் அங்கீகரிக்கப்பட்டுள்ள நகை மதிப்பீட்டாளரை அணுக வேண்டும்.