பெண்கள் தங்க நகைகள் அணிவது அறிவியல் ரீதியாக முக்கியமானது

பல நூற்றாண்டுகளாக, மனித பரிணாம வளர்ச்சியில் தங்கம் முக்கிய பங்கு வகிக்கிறது மற்றும் இது நாணயம், மதிப்பு மிக்க சொத்து, நகை போன்ற பல வடிவங்களில் பயன்படுத்தப்படுகிறது. 

நகைகள் மனித அலங்காரத்தின் ஒரு பகுதியாகும், குறிப்பாக பெண்களுக்கு, வளர்ந்து வரும் காலங்கள் மற்றும் மாறிவரும் மனநிலைகளில்; ஆண்கள் கூட தங்க நகைகளை அணியத் தொடங்கியுள்ளனர். அனைத்து நகைகளிலும், தங்கம் மற்றும் வெள்ளியால் செய்யப்பட்ட நகைகளுக்கு எப்போதுமே அதிக தேவை உள்ளது. 

காதணிகள், மூக்குத்திகள், வளையல்கள், நெக்லெஸ், மத்தாபடி முதல் நெத்திச்சுட்டி மற்றும் மெட்டிகள் வரை, வைரத்திற்கு பதிலாக எந்த நாளிலும் நீங்கள் தங்கத்தைதான் எடுப்பீர்கள்; அதன் இரசாயண பண்புகள் காரணமாக அல்ல, ஆனால் தங்கத்தை அணிவதற்கு பின்னால் உள்ள அறிவியல் காரணங்களுக்காகவுமாகும். இந்திய கலாச்சாரத்தில், எந்தவொரு பண்டிகை மற்றும் சுப நிகழ்ச்சிகளிலும் தங்க நகைகள் அணியப்படும். இது மற்ற உலோகங்கள் மற்றும் கற்களை விட அதிகம் விரும்பப்படுகிறது. ஏன் என்று எப்போதாவது யோசித்திருக்கிறீர்களா?

சரி, அறிவியல் இதற்கு ஒரு தர்க்கரீதியான விளக்கத்தைக் கொண்டுள்ளது. பெண்கள் தங்க நகைகளை அணிவதற்கான காரணத்தை புரிந்து கொள்ள ஒரு ஆய்வு நடத்தப்பட்டது. பெண்கள் ஆண்களை விட பலவீனமானவர்கள் என்று நம்பப்பட்டதால், உடல் வலிமையின் அடிப்படையில், தங்கத்தை அவர்களின் உடலுடன் இணைக்க வேண்டும் என்று முடிவு செய்யப்பட்டது. இது அவர்களுக்கு தேவையான வாழ்வாதாரத்தை அளிக்கும்.

பெண்கள் வயதாகும்போது, அவர்கள் உடல் வலிமை இழப்பதாக ஆய்வு விளக்கியது. இதனுடன், பிரசவத்தால் பெண்கள் பலவீனமான எலும்புகளைக் கொண்டார்கள் எனவே, நம் முன்னோர்கள் இந்தப் பிரச்சினைக்கு ஒரு தீர்வைக் கண்டனர். தங்கம் மற்றும் வெள்ளி நகைகளை அணிந்த பெண்கள் அதனால் பலனடைந்தார்கள், ஏனெனில் அவற்றை தவறாமல் அணிவது அவர்களின் எலும்புகளை வலுப்படுத்த உதவியது. 

ஒவ்வொரு ஆபரணத்தையும் அணிவதற்கு பின்னால் உள்ள அறிவியல் சான்றுகள் கீழே பட்டியலிடப்பட்டுள்ளன-

தங்க காது வளையம்: காது குத்துவது இந்தியாவில் ஒரு பொதுவான நடைமுறையாகும். இது உடலில் மின் ஓட்டத்தை பராமரிக்கும் என்று நம்பப்படுகிறது. காதில் உள்ள நரம்புகள் கண்களுடன் இணைக்கப்பட்டுள்ளன. பெண்களுக்கு, இது இனப்பெருக்க உறுப்புகளுக்கும் நீண்டுள்ளது. தங்க காதணியின் உராய்வு கண்பார்வை மற்றும் இனப்பெருக்க சுழற்சிகளை மேம்படுத்த உதவுகிறது. தங்க காதணிகளை அணிவது தூண்டுதலுக்கான செயல்திறனையும் விழிப்புணர்வையும் மேம்படுத்துகிறது.

தங்க மோதிரம்: இது ஆண்களும் பெண்களும் அணியும் மிகவும் பொதுவான ஆபரணங்களில் ஒன்றாகும். இதயம் மற்றும் மூளைக்கு இடையே உள்ள பல நரம்பு இணைப்புகள் விரல்களுடன் இணைகின்றன. விரல்களில் தங்க மோதிரத்திலிருந்து ஏற்படும் உராய்வு உங்கள் ஆரோக்கியத்திற்கு ஏற்றதாக கருதப்படுகிறது. உதாரணமாக, நீங்கள் மோதிர விரல் அல்லது சிறிய விரலில் தங்க மோதிரத்தை அணிந்தால், அது உங்கள் இதயத்தின் ஆரோக்கியத்தை மேம்படுத்தும். இது சளி மற்றும் இருமலைத் தடுக்கிறது. 

தங்க நெக்லெஸ் அல்லது தாலிச்சரடு: நெக்லஸ் அல்லது தாலிச்சரடு மனதையும் உடலையும் ஆரோக்கியமாக வைத்திருக்க உதவும் நேர்மறை ஆற்றலை ஈர்க்க உதவுகிறது. கழுத்து பகுதியில் உள்ள தங்க நகையிலிருந்து வரும் உராய்வு, கழுத்துப்பகுதியில் பல நரம்புகள் இருப்பதால், உடலில் இரத்த ஓட்டத்தை சீராக்க உதவுகிறது என்றும் கூறப்படுகிறது. 

தங்க வளையல்கள்: தங்க வளையல்கள் உடலில் இரத்த ஓட்டத்தை சீராக்க உதவுகின்றன. அதன் வட்ட வடிவம் காரணமாக, வெளிப்புற தோலின் வழியாக செல்லும் மின்காந்த ஆற்றல் உடலுக்குத் திரும்பி, ஒட்டுமொத்த இரத்த ஓட்டத்தை மேம்படுத்துகிறது.

தங்க நெத்திச்சுட்டி: தலையில் நெற்றியின் மேல் தங்க ஆபரணம் அணிவது உங்களை அமைதியாகவும் கவனமாகவும் வைத்திருக்கவும் மற்றும் உடல் வெப்பநிலையை சீராக்கவும் உதவுகிறது.

தங்க மெட்டி: பொதுவாக இரண்டாவது கால் விரலில் அணியும் தங்க மெட்டிகள் உடலுக்கும் தரைக்கும் இடையில் ஒரு நல்ல மின் கடத்தியாக செயல்படும். இரண்டாவது விரலில் இருக்கும் நரம்புகளும் கருப்பை வழியாக இதயம் வரை செல்கின்றன. கால் மெட்டி அணிவது இனப்பெருக்க சுழற்சியை மேம்படுத்தவும் இரத்த அழுத்தத்தை பராமரிக்கவும் உதவுகிறது. 

தங்க மூக்கு வளையம் தங்க மூக்கு வளையம் அல்லது மூக்குத்தி அணிவது மாதவிடாய் சுழற்சியின் போது வலியைக் குறைக்க உதவுகிறது. இது கர்ப்ப கால மற்றும் பிரசவத்தின்போது ஏற்படும் சிக்கல்களை தீர்க்கிறது.

தங்க ஒட்டியாணம்: இடுப்பில் தங்க ஆபரணத்தை அணிவது உடலில் அக்குபஞ்சர் மருத்துவ தொடர்புகளை உருவாக்க உதவுகிறது, இது பல உடல் வலிகள், சளி மற்றும் இருமல் மற்றும் சுவாசக் கோளாறுகளைத் தடுக்க உதவுகிறது. 

நீங்கள் தங்கத்தை விரிவாக ஆராய்ந்தால் தங்கத்தை அணிவதற்குப் பின்னால் பல அறிவியல் காரணங்களையும், அது ஏன் பல நூற்றாண்டுகளாக நம்பகமான சொத்தாக இருக்கிறது என்பதையும் காணலாம். தங்கத்தை அணிவதற்கான அனைத்து அறிவியல் காரணங்களையும் தவிர தங்கத்தை நகைகள் செய்ய மிகவும் பொருத்தமாக இருப்பதற்கான மற்றொரு காரணம் அதன் மந்தமான பண்புகளாகும் தங்கம் தோலுடன் வினைபுரிவதில்லை மற்றும் அதன் குணப்படுத்தும் பண்புகளை தக்கவைத்துக்கொள்கிறது.