എങ്ങനെയാണ് സ്വർണ്ണം ഖനനം ചെയ്തെടുക്കുന്നത്?

സ്വർണ്ണം അപൂർവ്വങ്ങളിൽ അപൂർവ്വമായ ലോഹമായതിനാൽ, 5-കാരറ്റ് വൈരക്കല്ല് കണ്ടെത്തുന്നതിനേക്കാൾ ദുഷ്കരമാണ് 1 ഔൺസ് സ്വർണ്ണക്കട്ടി കണ്ടെത്തുകയെന്ന കാര്യം കണക്കിലെടുക്കുമ്പോൾ, ആഭരണ, നിക്ഷേപ, വൈദ്യ, വ്യാവസായിക ഉദ്ദേശ്യങ്ങൾക്കായി ഇത്രയുമധികം സ്വർണ്ണം നമ്മൾ എങ്ങനെയാണ് ഉൽപ്പാദിപ്പിച്ചത്?

ഖനനത്തിലൂടെ എന്നാണ് ഉത്തരം.

ചരിത്രത്തിലുടനീളം, ഏകദേശം 187,200 റ്റൺ സ്വർണ്ണം ഖനനം ചെയ്തെടുത്തിട്ടുണ്ടെന്നാണ് കണക്കുകൾ സൂചിപ്പിക്കുന്നത്. ഈ സ്വർണ്ണത്തിന്റെ ഓരോ ഔൺസും അടുത്തടുത്ത് വച്ചാൽ, നമുക്ക് ശുദ്ധസ്വർണ്ണത്തിന്റെ ഒരു ക്യൂബ് ലഭിക്കും, എന്നാൽ ഈ ക്യൂബിന്റെ ഓരോ വശവും 21 മീറ്റർ മാത്രമേ ഉണ്ടായിരിക്കുകയുള്ളൂ.

അസംസ്കൃത രൂപത്തിൽ സ്വർണ്ണം ലഭ്യമാക്കുന്നതിനുള്ള നാല് വ്യത്യസ്ത രീതികൾ ഏതൊക്കെയെന്ന് നമുക്ക് കാണാം:

1. പ്ലേസർ ഖനനം

   അമേച്വർ സ്വർണ്ണ വേട്ടക്കാരാണ് ഈ രീതി അവലംബിക്കുന്നത്. ഇതിൽ ചെയ്യുന്നത്, ഇടതൂർന്ന (ഡെൻസ്) സ്വർണ്ണത്തെ, അതിന് ചുറ്റുമുള്ള മെറ്റീരിയലുകളിൽ നിന്ന് വേർതിരിക്കുന്നതിന് ഭൂഗുരുത്വാകർഷണവും വെള്ളവും ഉപയോഗിക്കുകയാണ്. സ്വർണ്ണാംശമുള്ള മണലിൽ നിന്നും ചരൽക്കല്ലിൽ നിന്നും സ്വർണ്ണം വീണ്ടെടുക്കുന്നതിന് പൊതുവെ ഈ രീതി ഉപയോഗപ്രദമാണ്. ഇത്തരം പ്ലേസർ മട്ടിൽ (ഡിപ്പോസിറ്റ്) നിന്ന് സ്വർണ്ണം വേർതിരിച്ചെടുക്കുന്ന പ്രക്രിയയാണ് 'സ്വർണ്ണ പാനിംഗ്'. ചത്തീസ്ഗഢിലെ സോണാജാർ കമ്മ്യൂണിറ്റിയെ പോലെയുള്ള പല കമ്മ്യൂണിറ്റികളും ഈ പ്രക്രിയ പിന്തുടരുന്നു. നാലോ അഞ്ചോ അരിമണിയുടെ വലുപ്പത്തിന് തത്തുല്യമായ സ്വർണ്ണമണികൾ ശേഖരിച്ചുകൊണ്ട് ദിവസത്തിൽ 400 രൂപാ വരെ ഇത്തരക്കാർ സമ്പാദിക്കുന്നു.

2. ഉറച്ച പാറയിൽ നടത്തുന്ന ഖനനം

   ഈ രീതി ഉപയോഗിച്ചാണ് ഭൂരിഭാഗം സ്വർണ്ണം ഖനനം ചെയ്തെടുക്കുന്നത്. തുറന്നൊരു കുഴിയെടുത്ത്, ഭൂഗർഭ ഖനനം നടത്തുകയാണ് ഇത് ചെയ്യുന്നത്.

   ഘട്ടം 1: ചുരുങ്ങിയത് 40 അടി ആഴത്തിലും 16-22 അടി അകലത്തിലും 'ബ്ലാസ്റ്റ് ഹോളുകൾ' ഡ്രിൽ ചെയ്തുകൊണ്ടാണ് ഈ പ്രക്രിയ ആരംഭിക്കുന്നത്. സൈറ്റിൽ സ്വർണ്ണമുണ്ടോ ഇല്ലയോ എന്ന് അറിയുന്നതിനാണ് ഇത് ചെയ്യുന്നത്.

   ഘട്ടം 2: നിയന്ത്രിത രീതിയിലും, ചുറ്റുമുള്ള പരിസ്ഥിതിക്ക് ഏറ്റവും ചുരുങ്ങിയ ആഘാതമേ ഉണ്ടാകുന്നുള്ളൂ എന്ന് ഉറപ്പാക്കിക്കൊണ്ടും ഈ ഹോളുകളിൽ സ്ഫോടനം നടത്തുന്നു.

   ഘട്ടം 3: തകർന്ന പാറക്കഷണങ്ങളിൽ, തുടർന്ന്, പരിശോധന നടത്തുന്നു, സ്വർണ്ണം അടങ്ങിയിട്ടുള്ള അയിരുകൾ അടയാളപ്പെടുത്തുകയും ചെയ്യുന്നു.

   ഘട്ടം 4: പിന്നീട്, സ്വർണ്ണം അടങ്ങുന്ന അയിരുകളെല്ലാം ഒരു ട്രക്കിൽ കയറ്റുകയും സംസ്കരണത്തിനായി ഒരു ക്രഷറിലേക്ക് കൊണ്ടുപോവുകയും ചെയ്യുന്നു.

   സ്റ്റെപ്പ് 5: രണ്ട് പ്രക്രിയകളിലൂടെയാണ് അയിരുകൾ പൊടിയാക്കുന്നത്, അയിരുകളെ തീരെച്ചെറിയ പൊടികളായി പൊടിക്കുന്നതാണ് ഈ പ്രക്രിയ.

   ഘട്ടം 6: അടുത്തതായി, ഉറച്ച പാറയുടെ പ്രതലത്തിൽ നിന്ന് സ്വർണ്ണം വേർതിരിക്കുന്നതിന് സോഡിയം സയനൈഡ് ഉപയോഗിക്കുന്നു. ലീച്ചിംഗ് എന്നാണ് ഈ പ്രക്രിയ അറിയപ്പെടുന്നത്.

   ഘട്ടം 7: ലീച്ചിംഗിൽ നിന്ന് വീണ്ടെടുക്കുന്ന സ്വർണ്ണം, തുടർന്ന്, സ്വർണ്ണ സമ്പന്നമായ ചളി (മഡ്) ഉണ്ടാക്കുന്നതിന് വീണ്ടും സംസ്കരിക്കുന്നു.

   ഘട്ടം 8: ഈ സ്വർണ്ണ ചളി, തുടർന്ന്, ശുദ്ധീകരണശാലയിലെ ഫർണസിലേക്ക് കയറ്റുന്നു, ചൂടാക്കുകയും ചെയ്യുന്നു. ഇങ്ങനെ, ലോഹമല്ലാത്ത വസ്തുക്കളിൽ നിന്ന് സ്വർണ്ണവും വെള്ളിയും വേർതിരിച്ചെടുക്കുന്നു. ഇതിന്റെ ഫലമായി ഡോറെ എന്നറിയപ്പെടുന്നതും 98% സ്വർണ്ണവും വെള്ളിയും അടങ്ങിയതുമായ ഒരു മിശ്രിതം ലഭിക്കുന്നു. 99.99% ശുദ്ധമായ അല്ലെങ്കിൽ 24 കാരറ്റ് സ്വർണ്ണം ലഭിക്കുന്നതിന് ഈ സമ്മിശ്രലോഹം ഒരു പ്രത്യേക ശുദ്ധീകരണശാലയിലേക്ക് അയയ്ക്കുന്നു.

3. ഉപോൽപ്പന്ന ഖനനം

   ചെമ്പ് ഖനം ചെയ്യുകയോ മണലോ ചരൽക്കല്ലോ മറ്റ് ഉൽപ്പന്നങ്ങളോ വീണ്ടെടുക്കുകയുമാണ് മിക്ക സമയങ്ങളിലും ഖനനത്തിന്റെ ഉദ്ദേശ്യം. എന്നിരുന്നാലും, അത്തരം ഖനന സമയത്തും, ഗണ്യമായ അളവിൽ സ്വർണ്ണം കണ്ടെത്താൻ സാധ്യതയുണ്ട്. ലോകത്തിലെ ഏറ്റവും .

   പ്രശസ്തമായ ഖനിയാണ് ഗ്രാസ്ബെർഗ് ഖനി. വാസ്തവത്തിൽ ചെമ്പ് ഖനനം ചെയ്യുന്നതിനാണ് എവിടെ ഖനനം തുടങ്ങിയത്. എന്നാലിത് ലോകത്തിലെ ഏറ്റവും വലിയ നാലാമത്തെ സ്വർണ്ണ ഖനിയായി മാറുകയായിരുന്നു, ഓരോ വർഷവും 20,000 പേരാണ് ഇവിടെ ജോലി ചെയ്യുന്നത്.

4. സ്വർണ്ണ അയിര് സംസ്കരിക്കൽ

   സ്വർണ്ണത്തിലെ അംശമുള്ള പാറക്കഷണം തീരെ ചെറിയ കഷണങ്ങളാക്കി പൊടിക്കുമ്പോൾ ലഭിക്കുന്നതാണ് സ്വർണ്ണ അയിര്. സയനൈഡ് ഉപയോഗിച്ചുകൊണ്ടുള്ള കെമിക്കൽ പ്രക്രിയയിലൂടെ ഇത് വേർതിരിച്ചെടുക്കാവുന്നതാണ്. എന്നിരുന്നാലും, ഗണ്യമായ സാമ്പത്തിക - പാരിസ്ഥിതിക ചെലവുകൾ ഉള്ളതിനാൽ ഈ രീതി അത്ര ലാഭകരമല്ല.

   ഓരോ വർഷവും, നിലവിലുള്ള സ്വർണ്ണ ശേഖരത്തിലേക്ക് ഏകദേശം 2,500-3,000 ടൺ സ്വർണ്ണമാണ് ആഗോള മൈനിംഗിൽ നിന്ന് ലഭിക്കുന്നത്. നമ്മുടെ നിത്യജീവിതത്തിൽ അതിശയിപ്പിക്കുന്ന ഏതൊക്കെ തരത്തിലാണ് സ്വർണ്ണം പ്രവർത്തിക്കുന്നതെന്ന് നമുക്ക് കാണാം.

Sources:

Source1, Source2, Source3, Source4, Source5, Source6