'ഗോൾഡ് സ്പോട്ട് എക്സ്ചേഞ്ച്' എന്നാലെന്ത്?

ഇന്ത്യയിൽ 'ഗോൾഡ് സ്പോട്ട് എക്സ്ചേഞ്ച്' വരുന്നതിനെ കുറിച്ചും അതുമായി ബന്ധപ്പെട്ട വില സുരാത്യതയിൽ വരാൻ പോകുന്ന മാറ്റത്തെ കുറിച്ചും റീസൈക്ലീംഗ് ലളിതമാകുന്നതിനെ കുറിച്ചുമുള്ള ചർച്ചകൾ രാജ്യത്തെ സ്വർണ്ണ പ്രണയികൾക്കുള്ളിൽ പൊടിപൊടിക്കുകയാണ്. 'ഗോൾഡ് സ്പോട്ട് എക്സ്ചേഞ്ച്' നിങ്ങളെ എങ്ങനെ ബാധിക്കുമെന്ന് അറിയാൻ ഈ ലേഖനം ശ്രദ്ധാപൂർവം വായിക്കുക.

എന്താണ് 'ഗോൾഡ് സ്പോട്ട് എക്സ്ചേഞ്ച്'?

ഉടനടിയുള്ള സെറ്റിൽമെന്റ് (ഇടപാട് തീയതിയിൽ നിന്ന് രണ്ട് ദിവസത്തിനുള്ളിൽ) ഉപയോഗിച്ച്, ഭൗതിക സ്വർണ്ണത്തിന്റെ വിൽപ്പനവും വാങ്ങലും സാധ്യമാക്കുന്നതാണ് 'ഗോൾഡ് സ്പോട്ട് എക്സ്ചേഞ്ച്'. അതായത്, സെറ്റിൽമെന്റ് എന്നാൽ വാങ്ങുന്ന വ്യക്തിക്ക് സ്വർണ്ണവും വിൽക്കുന്ന വ്യക്തിക്ക് പണവും എന്നാണർത്ഥം. വില കണ്ടെത്തലിനാണ് ഈ രീതി ഊന്നൽ നൽകുന്നത്, ഭൗതിക ഡെലിവറിയുമായി ബന്ധപ്പെട്ട മുഴുവൻ എക്കോസിസ്റ്റവും നൽകുകയും ചെയ്യുന്നു. അതിനാൽ, ഭാവി എക്സ്ചേഞ്ചുകളിൽ നിന്ന് ഇന്ത്യയുടെ 'ഗോൾഡ് സ്പോട്ട് എക്സ്ചേഞ്ച് വ്യത്യസ്തമായിരിക്കും. ഭാവി എക്സ്ചേഞ്ചുകൾ പ്രാഥമികമായും ഉപയോഗിക്കുന്നത്, സ്വർണ്ണ വില നിരക്ക് അപകടസാധ്യതയ്ക്കെതിരെ പരിരക്ഷ നൽകുന്നതാണ്, സ്വർണ്ണ വിലയുടെ ചാഞ്ചാട്ടങ്ങളിൽ നിന്ന് ലാഭമുണ്ടാക്കുന്നതാണ്.

'ഗോൾഡ് സ്പോട്ട് എക്സ്ചേഞ്ചി'ന്റെ ഘടന

ഒരു സ്റ്റാൻഡർഡ് ടയേർഡ് അംഗത്വ ഘടനയെയാണ് എക്സ്ചേഞ്ച് പിന്തുടരുന്നത് - ക്ലിയറിംഗ് അംഗങ്ങളായിരിക്കും നേരിട്ടുള്ള പങ്കാളികൾ, അവരുടെ ക്ലയിന്റുകൾ ആകട്ടെ, നേരിട്ടല്ലാത്ത പങ്കാളികൾ ആയിരിക്കും. ഇംപ്പൊർട്ടർമാർ, റിഫൈനർമാർ, നോമിനേറ്റ് ചെയ്യപ്പെടുന്ന ഏജൻസികൾ, ബാങ്കുകൾ, ട്രേഡർമാർ, നിർമ്മാതാക്കൾ, ജ്വല്ലർമാർ/റീട്ടെയിലർമാർ, ഉപഭോക്താക്കൾ, മറ്റ് സാമ്പത്തിക സ്ഥാപനങ്ങൾ എന്നിവരായിരിക്കും പങ്കാളികൾ.

ട്രേഡിംഗിന് ഒരു കേന്ദ്രീകരിച്ചുള്ള ഇടവും ഒന്നോ അതിലധികമോ വാൾട്ട് ഓപ്പറേറ്റർമാർ മുഖേന സേവനം നൽകപ്പെടുന്ന ഡെലിവറി ലൊക്കേഷനുകളുടെ നന്നായി ബന്ധിപ്പിക്കപ്പെട്ടിട്ടുള്ള നെറ്റ്വർക്കും ട്രേഡുകൾ ക്ലിയർ ചെയ്യുന്നതിനും സെറ്റിൽ ചെയ്യുന്നതിനുള്ള ഒരു കേന്ദ്രീകൃത കൗണ്ടർപാർട്ടിയും നൽകുന്നതും ഒരു സംവിധാന സജ്ജീകരണമാണ് സ്പോട്ട് എക്സ്ചേഞ്ച് എന്ന് പറയുന്നത്.

നിർദ്ദേശിക്കപ്പെടുന്ന സ്പോട്ട് എക്സ്ചേഞ്ചിന്റെ ഘടകഭാഗങ്ങൾ

ഒരു ട്രേഡർ എന്ന നിലയിൽ നിങ്ങളെ എങ്ങനെ സ്വാധീനിക്കുന്നു

ന്യായമായ വിപണി വിലയിൽ സ്വർണ്ണം വാങ്ങുന്നതിനും വിൽക്കുന്നതിനും വാങ്ങുന്നവർക്കും വിൽക്കുന്നവർക്കുമുള്ള ഒരു ഇടമായിരിക്കും എക്സ്ചേഞ്ച് പ്ലാറ്റ്ഫോം. കൂടുതലായി, എക്സ്ചേഞ്ചിന്റെ വെബ്സൈറ്റിലും ഡാറ്റാ പ്രൊവൈഡർമാരിലും വാർത്താ ഏജൻസികളിലും ഏറ്റവും പുതിയ വിലയെ (അല്ലെങ്കിൽ ബിഡ് ചെയ്ത അല്ലെങ്കിൽ ഓഫർ ചെയ്യപ്പെടുന്ന വിലയെ) സംബന്ധിച്ച വിവരങ്ങൾ തത്സമയം പ്രദർശിപ്പിക്കപ്പെടും.

എക്സ്ചേഞ്ചിന്റെ പ്രയോജനങ്ങൾ

സ്വർണ്ണ ഡെലിവറി രീതികൾ സ്ഥാപനവൽക്കരിച്ചുകൊണ്ട്, ഇന്ത്യൻ വിപണിയിൽ സർക്കുലേറ്റ് ചെയ്യുന്ന സ്വർണ്ണത്തിന്റെ സ്റ്റാൻഡേർഡൈസേഷന് ഗോൾഡ് സ്പോട്ട് എക്സ്ചേഞ്ച് വഴി വയ്ക്കും. മറ്റ് പ്രയോജനങ്ങൾ ഇനിപ്പറയുന്നവയാണ്:

• നിങ്ങളെ പോലുള്ള വാങ്ങുന്ന വ്യക്തികൾക്ക്, നിങ്ങൾ വാങ്ങുന്ന സ്വർണ്ണത്തിന്റെ ഗുണനിലവാരത്തെ കുറിച്ച് ഉറപ്പ് നൽകുന്നു
• വിപണി പങ്കാളികൾക്കും നിങ്ങളെ പോലുള്ള വാങ്ങുന്നവർക്കും സുതാര്യമായി വർണ്ണ വില കണ്ടെത്താൻ ഒരു പ്ലാറ്റ്‌ഫോം നൽകുന്നു
• സ്വർണ്ണ മൂല്യ ശൃംഖലയിൽ ഉടനീളം, അംഗീകൃതവും ഔദ്യോഗികവുമായ പ്ലേയർമാർ ഉൾപ്പെടുന്ന ഒരു സംഘടിത വിപണിക്ക് ഇത് അടിത്തറ പാകും. അസംഘടിതരായ ജ്വല്ലറികളെയും ട്രേഡർമാരെയും സംഘടിത മേഖലയിലേക്ക് കൊണ്ടുവരാൻ കഴിയും
• സ്വർണ്ണം ഭൗതികമായി കൈവശം വയ്ക്കുന്നതിന് പകരമായി, വാങ്ങുന്നവർക്ക് സ്വർണ്ണത്തിൽ നിക്ഷേപിക്കുന്നതിനുള്ള ഇതര മാർഗ്ഗങ്ങൾ നൽകുന്ന ഗോൾഡ് ETF-കൾ പോലെയുള്ള ഗോൾഡ് ബാക്ക്‌ഡ് ഉൽപ്പന്നങ്ങൾ അവതരിപ്പിക്കുന്നതിനും ഇത് കാരണമാകും

ഗോൾഡ് സ്പോട്ട് എക്സ്ചേഞ്ചിന്റെ യുക്തിയുക്തത

ഗോൾഡ് സ്പോട്ട് എക്സ്ചേഞ്ചിന്റെ നേട്ടങ്ങൾക്ക്, നിങ്ങളെ ബാധിക്കുന്ന ഇനിപ്പറയുന്ന പ്രശ്നങ്ങൾക്ക് പരിഹാരം കാണാനാകും:

• ഗുണനിലവാര ഉറപ്പിന്റെ അഭാവം
  • നിലവാരമുള്ള സ്വർണ്ണ ഡെലിവറി രീതികളുടെ അഭാവം
  • ബുള്ളിയനിലും സ്വർണ്ണാഭരണങ്ങളിലും ഗുണനിലവാര ഉറപ്പിന്റെ അഭാവം
  • ഇന്ത്യൻ സ്വർണ്ണത്തിന് വിദേശങ്ങളിൽ ഉള്ളത് പരിമിത ഡിമാൻഡാണ്
• ബുർബലമായ വില സുതാര്യത
  • മൂല്യ ശൃംഖലകളിൽ ഉടനീളം വിലയുമായി ബന്ധപ്പെട്ട സുതാര്യതയുടെ അഭാവം
• രാജ്യത്തുടനീളം സ്വർണ്ണ വിലയിൽ വിപുലമായ വ്യത്യാസം

ഇന്ത്യയിൽ ഗോൾഡ് സ്പോട്ട് എക്സ്ചേഞ്ചും വരുന്നതിന് മുമ്പും വരുന്നതിന് ശേഷവും കാര്യങ്ങളിൽ എന്തൊക്കെ വ്യത്യാസം ഉണ്ടാകും എന്ന് അറിയുക.

നിലവിലെ വിപണി വിലയിൽ സ്റ്റാൻഡേർഡൈസ് ചെയ്ത സ്വർണ്ണത്തിന്റെ വിൽപ്പനയ്ക്കും വാങ്ങലിനുമായൊരു റെഡി മാർക്കപ് ആണ് ഗോൾഡ് സ്പോട്ട് എക്സ്ചേഞ്ച് തരിക. ഇതോടൊപ്പം ഗുണ നിലവാരം വർദ്ധിക്കും, വില സുതാര്യമാകും, സ്വർണ്ണത്തിന്റെ ബാക്കപ്പുള്ള നൂതനമായ നിക്ഷേപ രീതികൾ ഉടലെടുക്കും. ചുരുക്കത്തിൽ സ്വർണ്ണത്തിന്റെ ഉപഭോക്താവ് എന്ന നിലയിലും സ്വർണ്ണ നിക്ഷേപകൻ എന്ന നിലയിലും ഗോൾഡ് സ്പോട്ട് എക്സ്ചേഞ്ച് നിങ്ങൾക്ക് ഒരുപാട് നേട്ടങ്ങൾ നൽകും.

ഉറവിടം